Biografia São Jeronimo kompleto-tradutor Biblia, presbitero no Doutor da Igreja

São Jeronimo

Presbitero e Doutor da Igreja

Padroeiro : Impressores, Livreiros, tradutores e escrituras,

Loron Festa : 30 de Setembro.

São Jeronimo,

Tradutor Biblia Sagrada

Jeronimo, ema Cristão Romano ne’ebé moris iha Estridom (Dalmacia), iha sekulo haat liu ba ou iha tinan 340. Nia aman naran Eusebio ema kristão diak, conhecido nudar ema riku no rai bot liu iha Estridom (Dalmacia). Nudar ema cristão, Eusebio hanorin no eduka Jeronimo tuir prinsipio dutrina igreja Cristã nian, no hanorin hatoman-an servisu todan. Bainhira Jeronimo complete tinan 12, nia haruka Jeronimo ba estuda lei no filosofia. Jeronimo nia estudo sira la’o ho diak, maske iha parte moral influenciado tebes ho moris ema Romana nian, iha tempo neba. Jeronimo nia moris loron ba loron dook liu tan husi Maromak. Maibé ho tulun hosi ni belun sira no kolega eskola bele lori hikas Jeronimo ba dalan los nudar ema sarani nian.

Hahu hosi biban nebá Jeronimo fo an atu simu sacramento Baptismo. Jeronimo simu sacramento Baptismo hosi amu papa Liberio. Grasa Sacramento baptismo nian ne’e servisu halo Jeronimo, nia moris spiritual sai diak liu tan no hetok sai nudar sarani nebe Madura liu tan iha fiar. Jeronimo sempre halo vizita no halo peregrinasaun ba rate martirio sira nian.

Iha tinan 370 , Jeronimo muda ba sidade Aquileia hodi hela iha nebá iha tinan balun nia laran. Iha Aquileia hetan acompanhamento husi bispo Valeriano. Hosi Aquileia Jeronimo muda hikas ba sidade Antoquia. Jeronimo continua moris nudar eremite iha rai fuik maran Chalcis. Iha tinan haat nia laran maka Jeronimo hases an (desfia) hosi sidade hodi moris iha rai fuik maran. Iha rai fuik maran Chalcis, Jeronimo aprende moris no halo sakrifisio, jejum, abstinensia, no orasaun lor-loron. Jeronimo aprende mos lian Hebraico no Grego.

Tamba moris spiritual nebe dezenvolve ho diak tebes, bispo ordena nia ba na’i lulik. Nia simu ordenação ba nailulik iha rai Antioquia, iha tinan 379. Simu tiha Ordenação nudar Nailulik, Jeronimo muda ba Constantinopel. Jeronimo laran monu tebes ho moris São Gregorio de Nazianza. Hamutuk ho Gregorio de Nazianza, Jeronimo aprende no hetan esperiensia barak.

Hosi constantinopel, Jeronimo muda hikas ba Roma. Iha Roma Jeronimo sai nudar secretario particular papa Damaso nian, (366-384). Tamba Jeronimo iha conhecimento nebe klean kona ba Biblia Sagrada, no matenek iha linguaa: Latina, Grego, no Hebraico, nune’e amu papa fo fiar ba Nia hodi halo tradução foun ba Biblia Sagrada iha lian Hebraico no Grego ba lian latina.

Atu hla’o knar ne’e ho diak, Jeronimo muda hikas ba rai Belem, fatin nebe Jesus moris ba. Jeronimo hela iha neba durante tinan 30 nia laran, hodi halo oração, estuda no halo tradusaun ba Biblia Sagrada. Testamento tuan nia halo tradusaun hosi lian Hebraico no Aramaico ba lian Latina. Testamento foun nia nia halo tradusaun hosi lian Grego ba Latina. Ninia tradusaun diak tebes, no ema hotu simu no gosta. Tamba ne’e maka tradução hirak ne’e ita hanaran: Vulgata, katak “popular”, no to’o agora tradusaun hirak ne’e konsiderado hosi parte igreja nian hanesan, tradução ofocial no autentico.

Jeronimo, além de conhecido hanesan tradutores no comentadores ba Biblia Sagrada,nia sai nudar fedensor fiar nian. Liu-liu defende fiar Cristã nian hasoru doutrina falsu ou heresia. Jeronimo sai mos nudar Padre espiritual diak. Ema barak hosi fatin oi-oin mai husu nia conselho. Iha Belem Jeronimo harii mos convent rua. Convento rua ne’e ida ba mane, nebe nia rasik maka lidera. Ida seluk ba feto, nebe lidera hosi Santa Paula, no Santa Eustachia. Convento rua ikus mai hetan sunu husi seguidoresheregia pelgianisme.

Jeronimo passa nia vida tomak hodi reza, halo tradução ba Biblia Sagrada fo conselho no hakerek. Nia mate iha tinan 420.

Fontes1: Orang kudus sepanjang massa, pag,138.   

Fontes2: seara, no.22,agusto 2015, pag. 39.